تاجیکستان ورود رئیس جمهور افغانستان به این کشور را تکذیب کرد

رادیو فردا :

تاجیکستان به‌طور رسمی اخبار مبنی بر فرود هواپیمای اشرف غنی، رئیس جمهور افغانستان در این کشور را تکذیب کرد.

برخی از سیاستمداران افغان روز یکشنبه، ۲۴ مرداد گفته بودند که آقای غنی هنگام ورود گروه طالبان به کابل به تاجیکستان گریخته است.

وزارت خارجه تاجیکستان با انتشار بیانیه‌ای در روز دوشنبه، ۲۵ مرداد، ضمن رد این خبر اعلام کرده است که مقامات تاجیکستان در این باره هیچ درخواستی از افغانستان نیز دریافت نکرده‌اند.

با این حال، برخی منابع در دولت تاجیکستان اعلام کرده بودند که رئیس جمهور افغانستان پس از توقفی کوتاه در دوشنبه، پایتخت تاجیکستان به راهی عمان شده است.

این منابع هم‌چنین گفته‌اند که در ابتدا توافق شده بود که آقای غنی به تاجیکستان بیاید‌، اما بعدتر بنا به دلایل «ناشناخته» این تصمیم تغییر کرد.

هم‌چنین به گفته این منابع، مقامات هوانوردی تاجیکستان برای انتقال آقای غنی به عمان از طریق حریم هوایی ازبکستان و ایران، با مقامات این دو کشور نیز هماهنگ کرده‌اند.

در همین حال راحله دوستم، دختر عبدالرشید دوستم از فرماندهان در افغانستان نیز شامگاه یک‌شنبه در فیس‌بوک خود نوشته بود که هواپیمای رئیس جمهور افغانستان پیش از پرواز به مقصد عمان بر فراز شهر دوشنبه پرواز کرده است.

شهر کابل روز یک‌شنبه، ۲۴ مرداد به تصرف گروه طالبان درآمد و در پی آن، اشرف غنی رئیس جمهور به همراه چند تن از بستگانش از کشور فرار کردند.

آقای غنی که سال ۲۰۱۴ رئیس جمهور افغانستان است، شامگاه یکشنبه با انتشار یادداشتی در صفحه فیس‌بوک خود نوشته بود که «جلوگیری از سیلاب خون» تصمیم به ترک افغانستان گرفته است.

Share